Tag Archives: occhio di milo

giardino privato

El ben, cossa xe el ben?
Una pianta che cressi
a l’ombra, in un momento,
seminada dal vento:

foie picole picole
vien fora una per una
come che gira la luna,
po fiori, tanti fiori,
mai dei stessi colori,
un vero carneval.
E spini, che fa mal.

Una pianta che cressi
senza acqua. No ocori
che una vose, ogni tanto,
o un modo de guardar,

e a volte nanca questo,
che per viver ghe basta
ricordar.

da Le rime per Trieste 1970-1995, Fulvio Muiesan, Edizioni Italo Svevo